Beim eHandwierk Stammdësch diskutéieren Handwierker zesummen iwwert d'Zukunft vum Handwierk am Kontext vun engem spezifeschen Thema. Dat ganzt natierlech a flotter Ronn, an engem Bar/Café/Restaurant, an dat all Kéiers an enger anerer Regioun vum Land.

Ënnert dem Motto "Austauschen, Léieren, Networken" wëlle mir mat Iech diskutéiere firwat d'Nohaltegkeets-Critèren och am Handwierk ëmmer méi wichteg ginn, a wat an Zukunft a Saachen Nohaltegkeet a Regulatioun nach op de Secteur duer kënnt. Een immenst wichtegt Thema iwwert dat mir a gemittlecher Ronn bei onsem nächsten eHandwierk Stammdësch gäre mat Iech diskutéieren!

Sief et de Client, de Fournisseur oder d'Bank déi dono freet, d'Nohaltegkeet ass scho laang net just méi en "Buzz-Wuert". Dowéinst invitéiert de Service eHandwierk Iech op hiren nächste Stammdësch. Kommt an diskutéiert zesumme mat iwwert d'Zukunft vum Handwierk am Kontext vun der Nohaltegkeet.

Contact

Chambre des Métiers

Service eHandwierk

(+352) 42 67 67 - 505

ehandwierk@cdm.lu